三凤桥大排档

該搭場許來勒無錫火車站南面站前商貿城里許，因為渠嘸不獨立個店面，為此故道弗大容易尋著。但必過來勒渠箇幢大樓個門口頭，還是有幾個大字做記認頭個。總體來說麼，生意比較好，人蠻多，散客要排隊等等勒來三得，大概較等個半個鐘頭麼就可以挨著哉。里向個菜蔬基本浪以本幫菜為主，尤其伲無錫幾只道地個，譬方說梁溪脆鱔啦、糟扣肉啦、玉蘭餅啦、小籠饅頭啦，味道儕比較正宗。里向也有包厢，從兩三個人到十來個人儕可以去嘗嘗個。