月河湾公园

月河灣公園正對老車站北門，現於公園東側搭東南角各有設置公共自行車站點，設點之近，從一定側面也表明箇地段人流密集。舊址位置實在邋遢糊塗，經過公園建設有蠻大改觀。九十年代月河一度墨黑發臭，瑲朞雖然味道還蠻有一眼，比起當初是好過無數爻。公園中心設有停車場，以及活動高地。但是光照弗是候多，夜裡遊人弗旺。隻公園个改造建成，勒人民路裡搭東輝公園、錦屏公園連仔一軑，對城市環境个美化大有裨益。