骆记麦虾

台州內麥蝦以府城臨海做法見長。所謂麥蝦，麥做个蝦是也。畀麥粉攪仔糊，然後用庎刀刀加刀割進鑊裡滾水中央，彎來狀蝦，故名。間店是市內較有名頭个麥蝦店，湯底一般用菜頭絲(白蘿蔔)打底，鮮甜咦解懹(膩)。首推三鮮麥蝦，配料有蠶蝦、蟶、蛤蜊，量少眼但味道嶄，願意加物事个，須另外搭櫃檯講好。店內附帶賣滷菜，鳳爪、雞肫、豬肝、牛肚、牛筋許物事，花樣蠻多。一般點好主食麥蝦，馱號碼牌，要買滷味个，鈔票一併勒櫃檯解。