天香薑汁垃北門街裡，大致好稱得起溫嶺第一薑汁个牌頭。主營薑汁調蛋、薑湯麵都搭薑汁搭界。薑汁調蛋裡向蛋糊軟口，核桃噴香，薑味適中，扣掇來个朞上向灑一層紅糖，頗讓人食指大動。薑湯麵做得相當有誠意，量大湯清，冷天犁風之後敂落一碗，喫到肚裡熱唿唿，人隨底溫和轉起。夜裡生意越發旺。美中弗足是店裡做个是阿公阿婆，腳手慢梃，喫貨許要耐心等界把。