香港國際機場（英文：Hong Kong International Airport，簡稱HKIA；IATA代碼：HKG，ICAO代碼：VHHH），香港亦有人叫佢做新機場（舊機場係啟德機場），係而家香港唯一民航機場。新機場由香港機場管理局管。有大約80間國際航空公司、每日750架定期客機同貨機，來往香港同全球大約140個目的地；約莫76%機係廣體噴射機。每個禮拜平均有約莫31架唔定期客運同貨運機來往香港。
新機場係國泰航空、港龍航空、香港航空、香港快運航空、華民航空同埋甘泉香港航空嘅基地。1998年以後，變咗全球第三繁忙嘅客運機場（而家全球排名第5，亞洲第1），全球貨運排第一。
